1 шілдеден бастап зейнетақы жаңаша есептеледі
2018 жылдың 1 шілдесінен бастап Қазақстанда базалық зейнетақы жаңаша есептеледі. Бұл ретте 1998 жылға дейінгі еңбек өтілімен қатар, 1998 жылдан кейінгі жинақтаушы зейнетақы жүйесіне нормативтік-құқықтық актілерге сәйкес аударылған зейнетақы жарналары да ескерілетін болады. Қазір базалық зейнетақы еңбек өтіліне қарамастан барлығына бірдей мөлшерде төленетін болса, 2018 жылдың 1 шілдесінен бастап базалық зейнетақыға пайыздық үстеме қосылады. Себебі базалық зейнетақыны есептеу жүйесі өзгертіледі. Бүгінгі күні базалық зейнетақы мөлшері төменгі күнкөріс деңгейінің — 54%-ы , ал 2018 жылдың 1 шілдесінен бастап төменгі күнкөріс деңгейінің 54%-нан 100%-на дейін құрайтын болады.
Егер еңбек өтілі 10 жыл немесе одан кем және еңбек өтілі жоқ болса, базалық зейнетақы төменгі күнкөріс деңгейінің 54%-ын құрайды. Еңбек өтілінің 10 жылдан артық әрбір жылы үшін 2% қосылады. Егер еңбек өтілі 33 жыл және одан да көп болса, базалық зейнетақының мөлшері төменгі күнкөріс деңгейіне тең болады (2018 ж. 28284 теңге).
Мысалы: Еңбек өтілі 1998 жылғы 1 қаңтарына дейін 15 жыл және 01.01.1998 жылдан бастап жинақтаушы зейнетақы жүйесіне зейнетақы жарналары 17 жыл бойы үздіксіз аударылған. Базалық зейнетақыны есептеу үшін жиынтық еңбек өтілі алынады:15+17=32.
2018 жылы төменгі күнкөріс деңгейі (ТКД) 28284 теңге құрайтындығына байланысты, осыны негізге ала отырып, еңбек өтіліне сәйкес базалық зейнетақының өсірілетін мөлшерін есептеуге болады.
| № | Жиынтық еңбек өтілі | Базалық зейнетақы мөлшері | Базалық зейнетақының өсімі |
| 0 | еңбек өтілі 10 жыл және 10 жылдан кем немесе еңбек өтілі жоқ | ТКД 54% немесе 15274 теңге | 0 |
| 1 | еңбек өтілі 11 жыл | ТКД 56% немесе 15839 теңге | 565 |
| 2 | еңбек өтілі 12 жыл | ТКД 58% немесе 16405 теңге | 1131 |
| 3 | еңбек өтілі 13 жыл | ТКД 60% немесе 16970 теңге | 1696 |
| 4 | еңбек өтілі 14 жыл | ТКД 62% немесе 17536 теңге | 2262 |
| 5 | еңбек өтілі 15 жыл | ТКД 64% немесе 18102 теңге | 2828 |
| 6 | еңбек өтілі 16 жыл | ТКД 66% немесе 18667 теңге | 3393 |
| 7 | еңбек өтілі 17 жыл | ТКД 68% немесе 19233 теңге | 3959 |
| 8 | еңбек өтілі 18 жыл | ТКД 70% немесе 19799 теңге | 4525 |
| 9 | еңбек өтілі 19 жыл | ТКД 72% немесе 20364 теңге | 5090 |
| 10 | еңбек өтілі 20 жыл | ТКД 74% немесе 20930 теңге | 5656 |
| 11 | еңбек өтілі 21 жыл | ТКД 76% немесе 21496 теңге | 6222 |
| 12 | еңбек өтілі 22 жыл | ТКД 78% немесе 22061 теңге | 6787 |
| 13 | еңбек өтілі 23 жыл | ТКД 80% немесе 22627 теңге | 7353 |
| 14 | еңбек өтілі 24 жыл | ТКД 82 % немесе 23193 теңге | 7919 |
| 15 | еңбек өтілі 25 жыл | ТКД 84% немесе 23759 теңге | 8485 |
| 16 | еңбек өтілі 26 жыл | ТКД 86% немесе 24324 теңге | 9050 |
| 17 | еңбек өтілі 27 жыл | ТКД 88% немесе 24890 теңге | 9616 |
| 18 | еңбек өтілі 28 жыл | ТКД 90% немесе 25456 теңге | 10182 |
| 19 | еңбек өтілі 29 жыл | ТКД 92% немесе 26021 теңге | 10747 |
| 20 | еңбек өтілі 30 жыл | ТКД 94% немесе 26587 теңге | 11313 |
| 21 | еңбек өтілі 31 жыл | ТКД 96% немесе 27153 теңге | 11879 |
| 22 | еңбек өтілі 32 жыл | ТКД 98% немесе 27718 теңге | 12444 |
| 23 | еңбек өтілі 33 жыл немесе 33 жылдан көп болса | ТКД 100% немесе 28284 теңге | 13010 |
Базалық зейнетақы автоматты түрде қайта есептелетін болады. Зейнетақы жинақтаушы жүйесіне аударылған барлық аударымдар бірыңғай ақпараттық жүйеде бар. Қосымша құжаттарды тапсырудың қажеттілігі жоқ.
А.ҚОНАҚБАЕВА,
«Азаматтарға арналған үкімет» мемлекеттік корпорациясы» коммерциялық емес акционерлік қоғамының Ақтөбе облысы бойынша филиалы – «Әлеуметтік төлемдерді ведомствоаралық есептеу орталығы» департаментінің Ақтөбе қалалық №1 бөлімше басшысы.
