Байқауға қатысыңыз!
Қазақстан Республикасының Білім және ғылым министрлігі «Болашақ» қауымдастығымен бірлесе отырып «Стартап-Болашақ 3-кезең: Менің арманым» атты реалити-шоу форматында өтетін байқаудың басталғаны туралы хабарлайды.
Байқау мақсаты — өмір сапасын арттыруға бағытталған, қоғамдық маңызы бар, алдыңғы қатарлы білім алудың арқасында еліміздің әлеуметтік-экономикалық өміріне технологияларды енгізуге негізделген жас кәсіпкерлердің бизнес бастамаларын қолдау.
Байқау міндеттері:
– жастар арасында кәсіпкерлікті насихаттау;
– жас кәсіпкерлердің кәсіби және жеке дамуына жәрдемдесу;
– тәжірибелі тренерлер/тәлімгерлермен жұмыс істейтін кәсіпкерлерді қолдау;
– Startup-жобаларын гранттық қаржыландыру;
– бизнесті қолдау құралдарының қолжетімділігін арттыру.
Қатысушылар: 16-35 жас аралығындағы кәсіпкерлер.
Жоба серіктестері: «Атамекен» Ұлттық кәсіпкерлер палатасы, «Даму» кәсіпкерлікті дамыту қоры» АҚ, «Enactus Kazakhstan» қоры, Тель-Авив университетіндегі достар қауымдастығы, Кәсіпкерлік білім қауымдастығы.
Байқаудың өткізілу мерзімі: қаңтар-желтоқсан 2018 жыл.
Байқау кезеңдері:
- Іріктеу кезеңі;
1.1 Байқаудың жариялануы, өтініштер жинау;
1.2 16 стартап уикендін өткізу, конкурс қатысушыларын іріктеу, 500-ден аса жоба таңдалып алынады;
1.3 Базалық ЖОО негізінде Инновациялар мен кәсіпкерлікті дамыту орталықтарында акселерация өткізу, тəлімгерлер/менторлармен жұмыс істеу;
- Ширек финал. Республикалық стартап уикенд (Астана қ.). 100 шақты жоба таңдалып алынады;
- Жартылай финал. Жазғы кубок. 50 шақты жоба таңдалынып алынады;
- Байқаудың ақтық мəресі/Финал. Республикалық DemoDay;
- Қорытынды кезең. 16 аймақтық DemoDay.
Ақтөбе облысындағы аймақтық іріктеу кезеңі Қ.Жұбанов атындағы Ақтөбе өңірлік мемлекеттік университетінде 2018 жылдың наурыз айының 9-11 күндері өтеді
БАЙҚАУҒА ҚАТЫСУ ҮШІН:
- байқау ережесімен танысып шығыңыз (құжатты тіркеу);
- ресми сайттар мен әлеуметтік желілердегі ресми парақшаларымыздағы сілтеме бойынша тіркеуден өтіңіз;
Назар аударыңыз!!! Тіркелу іріктеу кезеңіне дейін 3 күн бұрын жабылады!!!
- стартап-жобаңыздың презентациясын іріктеу кезеңіне дайындап қойыңыз;
- стартап-жобаңызбен таныстырып, қорғап шығыңыз.
Байқауға қатысу тегін
Байқаудың ресми сайттары:
Әлеуметтік желілердегі парақшаларымыз:
@startup.academy_aktobe (Инстаграм);
СтартапАкадемиясы. Жұбанов Университеті (Facebook).
Қосымша ақпарат:
e-mail: startup.arsu@gmail.com
тел.: 8-747-440-48-20.