«Футбол сабағының» тұсаукесері өтті
Облыс әкімінің тапсырмасына сәйкес Ақтөбе қаласын қарасты Сазды ауылдық округінде орналасқан №66 мектептің спорт залында «Футбол сабағын жүргізу» тұсаукесері өтті.
Бұл шараға Ақтөбе қаласының әкімі І.Испанов, «Ақтөбе» футбол клубының бас директоры М.Тюмалиев, спорт ардагерлері, мұғалімдер мен оқушылар қатысты.
Жобаның басты мақсаты — балаларды футболға тарту, сондай-ақ балалар спорт мектептерінің футбол топтарындағы жасөспірімдердің шеберліктерін шыңдауға ықпал ету.
«Ақтөбе» футбол клубы Ақтөбе қаласындағы №22, 28, 35, 39, 53 және 66 мектепте «Футбол сабақтары» үшін қажетті құрал-жабдықтарға толық түгендеу жүргізді. Дене тәрбиесі мұғалімдері бұған дейін «Ақтөбе» футбол клубында теориялық және тәжірибелік семинарларда оқыды.
«Ақтөбе» футбол клубының ойыншылары, сондай-ақ тәрбиеленушілері шеберлік кластарын өткізіп, балғындарды жаттықтыруға үлес қосады.
«Ақтөбе» футбол клубы мен Ақтөбе қалалық дене шынықтыру және спорт бөлімінің бастамасымен футбол чемпионатына қатысатын балалар арасында мектеп лигасы өтеді.
Бұл — Ақтөбеде толыққанды мектеп лигасын құрудағы алғашқы қадам.
Н.ДОСОВ.