Шахмат жарысы: 20 команда, 120-ға жуық студент
Жақында XVIII облыстық спартакиада бағдарламасына сәйкес шахматтан жарыс ұйымдастырылды.
Шараның мақсаты — балалар мен жасөспірімдер арасында шахматты насихаттау, дарынды шахматшыларды анықтау, республикалық кезеңге команда іріктеу. Жарыстың өтуіне «Ақтөбе-Дарын» өңірлік ғылыми-тәжірибелік қосымша білім беру орталығы ұйытқы болды.
Сайысқа техникалық білім беру ұйымдарынан 20 команда, 120-ға жуық колледж студенті қатысты.
Ақтөбе қалалық «Гамбит» шахмат клубының жаттықтырушысы, І дәрежелі төреші Дмитрий Попов жарысқа төрелік етті.
Жарыс қорытындысында ер балалар арасында Ақтөбе политехникалық колледжі жеңімпаз атанды. Ал қыздар арасында C.Бәйішев атындағы Ақтөбе университетінің колледжі І орынды иеленді.
Гүлсім КӘДІРБЕКҚЫЗЫ,
Ақтөбе қаласы.