Жол уақытша жабылады

Ақтөбе қаласының әкімі Ілияс Испановтың қаулысымен 1 мамыр — Қазақстан халқының бірлігі күніне арналған мерекелік шеруді өткізуге байланысты қаладағы кейбір көшелерде жол жабылады.

Нақтырақ айтсақ, 1 мамырда таңғы сағат 9.00-ден бастап 11.00-ге дейін Әбілқайыр хан даңғылы бойындағы М.Оспанов көшесінен Ғ.Жұбанова көшесіне дейінгі және Ғ.Жұбанова көшесінен М.Мәметова көшесіне дейінгі аралықта барлық көлік түрінің қозғалысы жабылады.