Қауіпті дертке қарсылық
Акция
Дүниежүзілік СПИД-ке қарсы күрес күніне орай «Дина» гипермаркетінде «Мен үшін маңызды, ал сен үшін?» атты акция өтті. Шараны М.Оспанов атындағы Батыс Қазақстан мемлекеттік медицина университетінің эпидемиология кафедрасы ұйымдастырды.
Қазіргі таңда әлемнің түкпір-түкпірінде СПИД-ке қарсы күрес жұмыстары жүйелі түрде жүргізіледі. Аталған аурудың қауіптілігі мен оның алдын алу жолын жұртшылыққа кеңінен насихаттау мақсатында 1988 жылы Бүкіләлемдік денсаулық сақтау ұйымы 1 желтоқсанды Спидке қарсы күрес күні деп белгіледі.
Университет жастары ұйымдастырған акцияның да мақсаты — осы, яғни тұрғындарды аталған аурудан сақтандыру. Шара барысында аурудың алдын алуға қатысты парақшалар, буклеттер таратылып, тұрғындарға сұрақтар қойылды.
Акцияның соңында жастар флешмоб ұйымдастырды.
К.ҚОПАЕВА.