Кәсіби деңгей көрсеткіші

20 Тамыз 2009

1  674

Ақтөбе облысы бойынша 2008-2009 оқу жылында кәсіби деңгейді тәуелсіз бағалаудың қорытындылары туралы

Бүгінгі күні техникалық және кәсіптік білім беру жүйесінде білім сапасына қойылытын талаптар қатарында білім алушылардың білім, білік дағдыларымен бірге кәсіби деңгейін бағалау – көкейтесті мәселенің бірі. Осы ретте колледж, лицей бітірушілердің кәсіби деңгейін бақылау, тексерудің бір түрі сапаны тәуелсіз бағалауды (НОК) енгізуге қажеттілікті туғызады. Бақылаудың бұл түрі білім берудің соңғы нәтижесі ретінде біліктілік деңгейіне объективті баға беруді қамтамасыз етеді, берілетін білімнің стандартқа, нарықтың еңбек талаптарына сай нақты мамандық бойынша даярлауға мүмкіндік береді. Кәсіби деңгейді тәуелсіз бағалау жұмысы кадрларды дайындау ісінде сапалық өзгерістер енгізеді, еліміздің әлеуметтік-экономикалық дамуының жаңа деңгейге көтерілуне ықпал етеді.

«Қазақстан Республикасының Білім туралы» Заңына, Қазақстан Республикасының 2008-2012 жылдарға арналған техникалық және кәсіптік білім беруді дамытудың мемлекеттік бағдарламасына сәйкес, Қазақстанда сапаны тәуелсіз бағалау шарасын енгізуді аяқтау көзделген және аталмыш заңдарға сәйкес Білім және ғылым министрлігі жанынан республикалық техникалық және кәсіптік білім беруді дамытудың және біліктілікті берудің ғылыми-әдістемелік орталығы құрылды.

Орталықтың Ақтөбе филиалы және облыстық білім басқармасымен біріге отырып, 2008-2009 оқу жылында облысымыздағы 17 колледж бен 15 кәсіптік лицейді, бітірушілердің кәсіби деңгейін тәуелсіз бағалау 20 техникалық мамандық, 6 гуманитарлық бағытта өткізілді. Бұл шараға барлығы 3870 оқушы, оның ішінде 2022-сі техникалық, 1848-і гуманитарлық мамандықтар бойынша қатысты. Тестілеу нәтижесі бойынша, Білім және ғылым министрлігі бекіткен мемлекеттік үлгідегі сертификатқа 2062 бітіруші ие болды. Бұл, жалпы, шараға қатысқан бітірушілердің 53%-ын құрады (№1 кесте).

Кәсіби деңгейді тәуелсіз бағалауға барлық мамандықтар бойынша жұмыс берушілер тартылып, біліктілік комиссиялары құрылды.

Кәсіби даярлықтың сапасын бағалаудың алғашқы нәтижелері осы бағытта жұмыс істеуді әрі қарай дамыту керектігін көрсетті. Жұмыс берушілердің, оқытушылардың пікірлеріне сәйкес бұл шара білім алушыларды жаңа талаптарға бейімделуге шақырады.

Кәсіптік білім сапасын бағалау білім мекемелерінің жұмыс берушілерді қаншалықты дайындығы жоғары маманмен қамтамасыз ете алатындығымен өлшенеді. Бұл – кәсіптік білім беруде түбегейлі өзгерістер болады, жаңа бағалау жүйесі енеді деген сөз. Осы мәселе жөнінде ҚР Білім және ғылым министрлігінің техникалық және кәсіптік білім департаментінің директоры К.Бөрібеков: «Бәсекеге қабілетті ұлттық кадрлар сапасын көтеру мақсатында техникалық және кәсіптік білім саласында жаңа талаптарға сай өзгерістер болады. Халықаралық эксперттер мен жұмыс берушілердің қатысуымен жаңа стандарттар енгізіледі, әлемдік деңгейге сәйкес келетін аттестациялау, білікті сертификациялау жүйесі іске қосылады», – деп атап көрсетті.

№	Оқу орны	Гуманитарлық мамандық бойынша		Техникалық мамандық бойынша		Барлығы оқу орны бойынша қатысты	Оқу орны бойынша тестілеуден өтті	Үлгерім %
№	Оқу орны	Барлығы қатысты	Тестілеуден өтті	Барлығы қатысты	Тестілеуден өтті	Барлығы оқу орны бойынша қатысты	Оқу орны бойынша тестілеуден өтті	Үлгерім %
1	Кооперативтік колледж	83	83	81	79	164	162	99
2	Гуманитарлық колледж	217	206	–	–	217	206	95
3	Қ.Жұбанов атындағы АМУ жанындағы колледж	6	5	–	–	6	5	83
4	Көлік, коммуникация және жаңа технологиялар колледжі	69	55	238	198	307	253	82
5	Мұнай және газ колледжі	46	37	199	139	245	176	72
6	Батыс Қазақстан гуманитарлық заң колледжі	193	133	–	–	193	133	69
7	Политехникалық колледж	154	58	251	141	405	201	50
8	Экономика және статистика колледжі	144	65	–	–	144	65	45
9	С.Бәйішев атындағы АУ жанындағы колледж	311	145	130	46	441	191	43
10	Техникалық колледж	24	8	37	14	61	22	36
11	Экономикалық-құқықтық колледж	109	37	–	–	109	37	34
12	Гуманитарлық-техникалық әмбебап мультипрофильді колледж	101	33	–	–	101	33	33
13	Қаржы-экономикалық колледж	134	26	20	7	154	33	21
14	Электротехника және байланыс колледжі	13	2	–	–	13	2	15
15	«Дүние» АУ жанындағы колледж	60	3	–	–	60	3	5
16	«Рауан» көп салалы колледжі	79	3-	–	–	79	3	4
17	Ауыл шаруашылық колледжі	105	4	12	0	117	4	3
Барлығы:		1848	903	968	624	2816	1529	46%

№	Оқу орны	Барлығы қатысты	Тестілеуден өтті	Үлгерім %
1	№9 кәсіптік лицей	20	20	100
2	№13 кәсіптік лицей	15	15	100
3	№4 кәсіптік лицей	55	53	96
4	№3 кәсіптік лицей	142	105	74
5	№12 кәсіптік лицей	49	33	69
6	№1 кәсіптік лицей	121	86	68
7	№2 кәсіптік лицей	33	16	48
8	№5 кәсіптік лицей	115	55	48
9	№8 кәсіптік лицей	124	52	42
10	№6 кәсіптік лицей	105	42	40
11	№7 кәсіптік лицей	72	29	40
12	№11 кәсіптік лицей	38	15	39
13	№15 кәсіптік лицей	47	8	17
14	№14 кәсіптік лицей	83	6	7
15	№10 кәсіптік лицей	35	0	0
Барлығы:		1054	535	50,7%