«Әдебиет.Рух. Қоғам» республикалық әдеби байқауы жарияланды!

Әдеби байқаудың құрылтайшысы:

-Ақтөбе облысының әкімдігі;

-Ақтөбе облысының мәдениет, архивтер және құжаттама басқармасы.

Әдеби байқаудың ұйымдастырушысы:

-Ақтөбе облыстық халық шығармашылық орталығы;

-С.Бәйішев атындағы Ақтөбе облыстық әмбебап-ғылыми кітапханасы;

-Қазақстан Жазушылар одағы.

Қазылар алқасы:

Қазақстан Жазушылар одағы мен Жазушылар одағы Ақтөбе филиалы бірлесе отырып жасақтайды.

Әдеби байқаудың шарттары:

1. Республикалық әдеби байқауға жас шамасына қарамастан, поэзия, проза, драматургия, әдеби көркем аударма және балладалар мен дастандар жанрында жазылған үздік шығармалардың авторлары қатыса алады.
2. Байқауға 1 номинация бойынша бірнеше үміткер қатысып, ішінен бір жеңімпаз анықталады.
3. Байқауға автордың бұрын еш жерде жарияланбаған шығармалары ғана ұсынылады. Әдебиет саласының мамандарынан құрылған қазылар байқауға түскен шығармаларды талқылап, сараптап, жеңімпаздарды анықтайды.
4. Қазылардың үштен екі дауысын жинаған шығарма ғана үздік деп қабылданады. Қазылар алқасының шешімімен жеңімпаздарға ұйымдастыру өкілдері қоңырау шалып, марапаттау шарасына шақырады.

Байқаудың өткізілу мерзімі:

1. Байқауға қатысу үшін өтінім 2023 жылдың 31 шілдесіне  дейін  aktobe_kitap@mail.ru электронды поштасына жіберілуге тиіс.
2. Байқау жеңімпаздары секретариат мүшелерінің шешімімен ағымдағы жылдың 30 тамызына дейін анықталады.

Әдеби байқау жеңімпаздарына төмендегі номинациялар бойынша жүлделер беріледі:

Поэзия номинациясы бойынша Сағи Жиенбаев атындағы Жүлде— 1 000 000 теңге. Бұл номинация төмендегі критерийлер бойынша тағайындалады:

1. «Тал бесігім — туған жер» тақырыптық өлең топтамалары;
2. Шығармалар көлемі 7-15 парақ аралығында болуы шарт;
3. Лирикалық түйіндері мықты, шешімдері өзгеше өрнектермен өрілген өлең жолдары;
4. Адамзаттық үлкен мақсаттар мен мұраттарды сюжеттік толғаныстармен шебер суреттеген шығармалар.

Поэзия номинациясы бойынша Төлеген Айбергенов атындағы Жүлде— 1 000 000 теңге. Бұл номинация төмендегі критерийлер бойынша тағайындалады:

1. «Жас толқын» лирикалық жырлар топтамасы ұсынылады;
2. Жасы 30-ға дейінгі жастар қатыса алады;
3. Жас дәуреннің жалынды жырлары;
4. Елге, Отанға деген сүйіспеншілік тақырыбындағы өлеңдер.

Проза номинациясы бойынша Тобық Жармағанбетов атындағы Жүлде— 1 000 000 теңге. Бұл номинация төмендегі критерийлер бойынша тағайындалады:

1. Мифологиялық бағыттағы әңгіме немесе повесть ұсынылады;
2. Стереотиптік таным, дәстүр, наным, сенім, ұлттық үрдістер бейнесін айшықтайтын;
3. Әңгіме, повесть желісі мазмұнды, тартымды, ұтымды болуы шарт.

Драматургия номинациясы бойынша Тахауи Ахтанов атындағы Жүлде— 1 000 000 теңге. Бұл номинация төмендегі критерийлер бойынша тағайындалады:

1. Қазақ драматургиясының дамуына үлес қосатын драмалық шығармалар ұсынылады.
2. Бүгінгі қоғамдағы келеңсіз жайларды, айтулы оқиғаларды арқау еткен, елдің бірлігі мен ынтымағын арттыратын, ұлттың рухын оятуды мақсат еткен пьесалар;
3. Тартымды оқиғалары мен қызықты кейіпкерлері елжадында сақталып, көрерменнің ой түзеуіне септігін тигізетін бұрын еш жерде жарияланбаған шығармасы қабылданады.

Сатира жанры номинациясы бойынша Үмбетбай Уайдин атындағы ЖҮЛДЕ — 1 000 000 теңге. Бұл номинация төмендегі критерийлер бойынша тағайындалады:

1. Тапқыр теңеулерімен, әсерлі әзілдерімен қоғамның ащы шындығын жеткізе білген сатиралық шығармалар ұсынылады.
2. Шығарма саны 7-15 парақ аралығында болуы шарт.
3. Юморлық шешімдері, сарказм, сатиралық түйіндері арқылы тәлім-тәрбиелік үлгі көрсете білген;
4. Өмірде күнделікті кездесетін жайларды әжуа арқылы жеңіл тілмен, ұғынықты сөзбен жеткізген шығармалар қабылданады.

Көркем аударма номинациясы бойынша Қуандық Шаңғытбаев атындағы Жүлде — 1 000 000 теңге. Бұл номинация төмендегі критерийлер бойынша тағайындалады:

1. Автор шығармаларын ағылшын, түркі тілдеріне аударған нұсқалар ұсынылады;
2. Шығарма 7-15 парақ аралығында болуы шарт;
3. Аударма тілінің көркемдігі, төл туындының мазмұнының толық берілуі;
4. Аударылып отырған тілді де грамматика, сөздік қор және дыбыстық ерекшеліктер жағынан танып, орынды қолданған шығармалар қабылданады.

Балаларға арналған шығарма номинациясы бойынша Ізтай Мәмбетов атындғы Жүлде— 1 000 000 теңге. Бұл номинация төмендегі критерийлер бойынша тағайындалады:

1. Шығарма 7-15 парақ аралығында болуы шарт;
2. Балалардың жас ерекшілігіне орай ұсынылған шығарманың қай жас аралығына бағытталғандығы белгіленіп, көрсетілуге тиіс (мыс: 3-5 жас, 12-15 жас, т.с.с.)
3. Балалар әдебиетіндегі басты қасиеттердің бірі —оларды ержүрек, өз Отанының патриоты, белсенді болуға жетелейтін, өнеге беретін батыл, адал адамдардың образын жасау.

Проза номинациясы (үздік әңгіме жазу) бойынша Қажығали Мұханбетқалиев атындағы Жүлде— 1 000 000 теңге. Бұл номинация төмендегі критерийлер бойынша тағайындалады:

1. Тарихи негізі бар (тарихи шығармалар) шығармалар ұсынылады;
2. Сөздері нық, ойға қонымды етіп жеткізе білуі шарт;

Поэзия номинациясы (баллада жазу) бойынша Өтежан Нұрғалиев атындағы Жүлде— 1 000 000 теңге. Бұл номинация төмендегі критерийлер бойынша тағайындалады:

1. «Өтежан-өлең. Оның тылсым табиғаты» танымдық зерттеу шығарма ұсынылады;
2. Шығарма 10 парақтан кем болмауға тиіс;
3. Шығарма Өтежан Нұрғалиевтің шығармашылығы, бұрын еш жерде жарияланбаған тың ақпараттық зерттеулер болуы шарт.

Драматургия номинациясы бойынша Бәкір Тәжібаев атындағы Жүлде— 1 000 000 теңге. Бұл номинация төмендегі критерийлер бойынша тағайындалады:

1. Автордың өлеңдеріне жазылған әндерді қамтитын, жастарға арналған мюзикл, сценарий (Б.Тәжібаев әндерін қамту шарт);
2. Автордың бұрын еш жарияланбаған туындысы қабылданады.

Проза номинациясы (үздік әңгіме жазу) бойынша Өтебай Қанахин атындағы Жүлде— 1 000 000 теңге. Бұл номинация төмендегі критерийлер бойынша тағайындалады:

1. Детектив жанрындағы шытырман оқиғалы шығармалар ұсынылады;
2. Қазіргі күн бедеріндегі қоғамның қалтарыс тұстары, шешімін күткен мәселелер төңірегінде құрылған шығармалар.

Ұйымдастырушылармен байланыс:

Қатысушылар түсінбеген сұрақтары мен ұсыныстар жөнінде төмендегі байланыс нөмірлеріне хабарласа алады.

Ақтөбе облыстық мәдениет, архивтер және құжаттама басқармасы 8(7132) 23-10-29;

Ақтөбе қаласы, 11-шағын аудан, 112 «Е» құрылыс, 8(7132) 23-74-00, С.Бәйішев атындағы Ақтөбе облыстық әмбебап-ғылыми кітапханасы.

Байқау ережесінің толық нұсқасын Ақтөбе облысының мәдениет, архивтер және құжаттама басқармасының ресми сайтынан (https://www.gov.kz/memleket/entities/aktobe-arhiv/press/news/details/541051?lang=kk ) біле аласыздар.