Өрт сөндірушілер бильярд ойнады
- Турнир
Темір ауданында төтенше жағдай қызметінде жұмыс істейтін жігіттер арасында ерекше турнир өтті. Бильярд ойнаудан сынға түскен мамандар бұны дәстүрге айналдырған.
Мақсат — салауатты өмір салтын насихаттау, жеке құрам арасындағы қарым-қатынасты нығайту. Аудандық төтенше жағдайлар бөлімі мен №16 өрт сөндіру бөлімінің қызметкерлері арасында өткізілген дода бірінші рет өтіп тұрған жоқ.
— Қызметкерлердің бос уақытын тиімді өткізу үшін осындай шараларды жиі өткізіп тұрамыз. Әсіресе, спорттық жарыстарға басымдық береміз. Арасында зияткерлік, адамның зейінін арттыратын сайыстарды да ұйымдастырамыз. Өйткені сыни ойлау, ұтқыр амал-әдістер өрт сөндірушілерге аса қажет. Бір жағынан, бұл арадағы байланысты нығайтады, — дейді аудандық төтенше жағдайлар бөлімінің басшысы Жұмабек Нұртазин.
Тартысты ойынның нәтижесі бойынша I орынды Ержігіт Шахим, II орынды Асланбек Закиров иемденсе, үздік үштікті Аспан Нұржан қорытындылады. Соңында жақсы ойын өрнегін көрсеткен бильярдшыларға дипломдар мен естелік сыйлықтар табыс етілді.
Алау АЙБЕК.
Темір ауданы.