Арандатушылыққа жол бермейік!

Нарқозы ҚАРТЖАН,

Ақтөбе волонтерлер лигасының төрағасы:

— Қадірлі жерлестер, замандастар, достар! Елде болып жатқан жағдай бәрімізді қынжылтты.

Арандатушылардың әрекетіне жол бермейік, сүйікті қаламыз, құтты мекенімізді бүлдірмейік! Халық қаһарманы Бауыржан Момышұлының «Тәртіпке бағынған құл болмайды» деген қанатты сөзі бар. Дәл қазір әрқайсысымыздың алдымызда үлкен жауапкершілік тұр. Ақ найзаның ұшымен, ақ білектің күшімен бабаларымыз сақтап қалған кең-байтақ жерімізді бүліктен, қан төгістен аман-есен алып қалайық!

Қазақ — бұдан да қиын кезеңді басынан өткерген халық. Бірақ біз қай кез болмасын  бірлігінен ажырамаған елміз. Елдігіміз де, құндылығымыз да бірлікте.