Кәсіпкерлік нысандары зардап шеккен жоқ
Еліміздегі төтенше жағдай кезінде облыстағы орта және шағын кәсіп саласы қалыпты жағдайда жұмыс жасап жатыр.
— Өңірдегі кәсіпкерлік нысандарының барлығы қалыпты жағдайда жұмыс жасауда.Орта және шағын кәсіп ғимаратыныңешбірі зардап шеккен жоқ.
Ақтөбе қаласы бойынша газ бағасының құны — 50 теңге. Газ тапшылығы жоқ, — дейді облыс әкімінің орынбасары Ермек Кенжеханұлы.
Еліміздегі төтенше жағдай кезінде облыстық кәсіпкерлер палатасына 10 кәсіпкерден өтініш келіп түскен. Өңірлік кәсіпкерлер палатасы директорының орынбасары Руслан Күйшіновтің айтуынша, кәсіпкерлер өтініші негізінен форс-мажор жағдайына байланысты болып отыр. Яғни интернет желісінің болмауы кәсіпкерлер жұмысына қолбайлау болып тұр.
Қазір Кәсіпкерлер палатасы штаттық режимде жұмыс жасауда. Ұлттық кәсіпкерлер палатасының call-орталығы — 1432, алөңірлік орталықтың байланыс нөмірлері: 8-(71-32) 744-607, 8-701-784-85-82, 8-702-567-80-11, 8-701-753-30-93, 8-777-760-11-42, 8-702-401-76-68.
Өңірлік палата кәсіпкерлерден қауіпсіздік шарасын мейлінше сақтауды және бұқаралық шараларды өткізбеуге шақырады.
— Төтенше жағдай мен коменданттық сағаттәртібі мен талабын сақтау керектігін кәсіпкерлер есіне саламыз. Кәсіпкерлікке байланысты барлық сұрақ бойынша облыстық кәсіпкерлер палатасына хабарласуды өтінеміз, — дейді Руслан Күйшінов.
Гүлжан БАЗЫЛҚЫЗЫ.