Ақтөбелік волонтерлердің өз офисі бар

Волонтер ретінде ресми түрде тіркелмеген болсаңыз, жуырда ғана ашылған «Birgemiz» өңірлік фронт-офисіне баруыңызға болады. Волонтерлердің бастамаларын қолдап, жобаларын үйлестіруге, мониторинг жүргізуге мүмкіндік беретін алаң Әбілқайыр хан даңғылы, 68А мекенжайында жұмыс жасап тұр.

— Қазір өңірімізде қарекет етіп, көпке берекет жасап жатқандардың ресми саны 2 мыңнан, ал оларды біріктіріп отырған ұйымдардың саны 100-ден асады. Сондай-ақ осы салада белсенді түрде қызмет етіп, бірақ ресми түрде тіркелмеген азаматтар да жетерлік. Ендігі уақытта олар осы  «Birgemiz» фронт-офисіне келіп, есепке тұра алады. Бұл жерде волонтерлерге әдістемелік, ақпараттық кеңес берілетін болады. Фронт-офис республика​ ​ бойынша​ волонтерлік​ жобалар мен бастамаларды үйлестіру ​ және қоғамдық мониторинг жасауды жүзеге асырады, — дейді облыстық жастар саясаты мәселелері  басқармасы басшысының міндетін атқарушы Елеусіз Нұрғалиев.

Ақерке САТЫБАЛДЫ.