Су тоғаны саябақты ажарландыра түсті

Сейсенбі күні облыс әкімі Оңдасын Оразалин Тұңғыш Президент атындағы саябақты аралап, мереке қарсаңында пайдалануға берілген су тоғанының жұмысын қарап шықты.

Бұған дейін бұл су тоғаны көп жылдар бойы жұмыс жасамай тұрған болатын. Жергілікті демеушілер арқылы іске қосылған тоған жерасты суы арқылы толтырылды.

Қала тұрғындарының көңіліне қуаныш сыйлаған су тоғанында бірнеше катамаран пайдалануға берілді.

Алдағы уақытта жасөспірімдер арасында осы жерде шағын модельді қайық жарысын ұйымдастыру жоспарланып отыр.

Облыс басшысы қала әкімі Асхат Шахаровқа саябақтың ішін абаттандыру және түрлі мәдени шараларды ұйымдастыру жұмыстары бойынша бірқатар тапсырмалар берді.

Облыс әкімінің баспасөз қызметі.