Жаңалықтар

Қаржы пирамидалары: қылмыстық іс қорытындысы

Тергеу органдары «Гарант 24 Ломбард» ЖШС, «Выгодный займ» ЖШС, «Estate Ломбард» ЖШС және «Нұр-Али Капитал» ЖШС басшыларына қатысты сотқа дейінгі тергеп-тексеруді аяқтады.

Тергеу аяқталғанға дейін 17 мыңнан астам жәбірленуші шағымданды. Оларға жалпы көлемі 30 млрд теңгеден астам залал келтірілген.

33 күдіктіге қатысты күзетпен ұстау түріндегі бұлтартпау шарасы қолданылды. 6 күдіктіге күзетпен ұстау түріндегі бұлтартпау шарасымен  бірге халықаралық іздестіру жарияланды. Күдіктілердің мүлкіне (қылмыстық әрекетті жүзеге асыру кезеңінде сатып алынған), сондай-ақ ломбардқа салынған мүлікке тыйым салу бойынша шаралар қабылданды.

Облыстық прокуратураның баспасөз қызметінің хабарлауынша, «Гарант 24 Ломбард», «ЕЅТАТЕ Ломбард» және «Выгодный займ» ЖШС қызметкерлері азаматтардың сеніміне кіріп, қылмыстық әрекет жасаған. Мысалы, жылжымалы және жылжымайтын мүлікті төлем мерзімін ұзарту шартымен (3 айдан 6 айға дейін) 20% бастапқы төлеммен нарықтық бағадан (10-20%-ға) жоғары баға бойынша сатып алуды ұсынған. Меншік құқығын қайта рәсімдегеннен кейін оны ломбард нарықтық бағадан төмен бағамен сатқан. Сондай-ақ халықтан ай сайын 30-40% есептеу шартымен депозит түріндегі ақшалай салымдар қабылданған. Бұл ретте екі жағдайда да қаражат қалдықтары қайтарылған жоқ.

Қазіргі уақытта қылмыстық іс Ақтөбе қаласының №2 сотына мәні бойынша қарау үшін жолданды.

Гүлжан БАЗЫЛҚЫЗЫ.

Басқа жаңалықтар

Back to top button